Rezultatet e zgjedhjeve paraprake Demokratike të së Martës së Madhe në 6 shtete çimentuan statusin e Joe Biden si kandidat kryesor dhe i dhanë atij një epërsi në dukje të pakapërcyeshme në delegatë ndaj rivalit Bernie Sanders. Por Sanders ka njoftuar se nuk po tërhiqet dhe po planifikon të debatojë me Bidenin dhe të vazhdojë të shtyjë përpara axhendën e tij progresive. Ndërkohë, me tubimet e anuluara dhe kufizimet në udhëtime, pandemia e koronavirusit po ndikon në garë në mënyra të mëdha dhe të vogla.