UNË KAM TRURIN E AJNSHTAJNIT: Kur Albert Ajnshtajni vdes në vitin 1955, patologu i ngarkuar me autopsinë i vjedh trurin. Dr. Thomas Harvey premton se do të zbulojë misterin se ku qëndron gjenialiteti brenda strukturës së tij fizike. Në fakt, ai niset në një odise të çuditshme 40-vjeçare të shoqëruar nga truri, që noton në një kavanoz majoneze… NAZISTË TË PANIDENTIFIKUAR FLUTURUES: Një top zjarri fluturon nëpër qiellin e Pensilvanisë në vitin 1965. A është thjesht një meteor? Nëse po, pse ushtria e ka rrethuar zonën brenda pak orësh? A mund të jetë një UFO? Forcat Ajrore thonë, 'Jo'. Pastaj një historian zbulon disa prova të jashtëzakonshme nga fundi i Luftës së Dytë Botërore. A mund të jetë topi i zjarrtë provë se SHBA-të kanë marrë në dorë një copë të çuditshme të teknologjisë naziste anti-gravitacionale? MENDIME VRASËSE: A mund të ishte fituar Lufta e Ftohtë vetëm duke menduar për të? Si Rusia ashtu edhe Shtetet e Bashkuara shpenzuan miliona duke u përpjekur të zhvillonin armë mendore dhe spiunazh jashtë-shqisor. Ndërsa armët bërthamore parakalonin para botës, prapa skenave zhvillohej një garë e plotë armësh psikike.